პოლონეთში კიდევ 2 მამაკაცი დააკავეს, რომლებიც სკოლაში ტერაქტის მოწყობას გეგმავდნენ. მედიის ცნობით, სულ ბრალი წაუყენეს 19 წლის 3 მამაკაცს, რომლებიც ეჭვმიტანილები არიან პიროტექნიკური მასალების შეგროვებასა და ტერორისტული აქტების დაგეგმვაში, მათ შორის სასწავლო დაწესებულებებზე თავდასხმაში.

Reuters-ის ინფორმაციით, ისინი ისეთი მასობრივი მკვლელობების მოწყობით იყვნენ შთაგონებულები, როგორიცაა ნორვეგიელი ანდერს ბრეივიკის მიერ განხორციელებული ტერაქტი.

„როგორც ჩანს, ისინი მოხიბლულნი იყვნენ ტერორიზმის გავრცელების იდეოლოგიით. მათ ჩვენს ქვეყანაში მსგავსი რამის გაკეთება სურდათ“- განუცხადა ჟურნალისტებს პოლონეთის თავდაცვის სამინისტროს წარმომადგენელმა იაცეკ დობრჟინსკიმ.