რელიგიის სააგენტომ ახალციხის, ტაო-კლარჯეთისა და ლაზეთის ეპარქიას ჰუმანიტარული ტვირთი გადასცა

რელიგიის სააგენტომ ახალციხის, ტაო-კლარჯეთისა და ლაზეთის ეპარქიას ჰუმანიტარული ტვირთი გადასცა, - ამის შესახებ ინფორმაციას რელიგიის სააგენტო ავრცელებს.

როგორც გავრცელებულ ინფორმაციაშია ნათქვამი, ჰუმანიტარული ტვირთი 30 ცალ სასაჩუქრე ყუთსა და 27 ფუთა ტანსაცმელს მოიცავს.

„რელიგიის საკითხთა სახელმწიფო სააგენტოს თანამშრომლებმა ჰუმანიტარული ტვირთი - 30 ცალი სასაჩუქრე ყუთი და 27 ფუთა ტანსაცმელი გადასცეს ახალციხის, ტაო-კლარჯეთისა და ლაზეთის ეპარქიის წარმომადგენლებს.

ეპარქიის სასულიერო პირებმა გაწეული დახმარებისთვის სააგენტოს მადლობა გადაუხადეს.

აქციაში მონაწილეობდნენ რელიგიის სააგენტოს სტრატეგიული კვლევის, ანალიზისა და რეგიონების სამსახურის უფროსი ნინო ჭავჭავაძე და ანალიტიკოსი გიორგი პატაშური”, - ნათქვამია ინფორმაციაში.