რუსული სახელმწიფო კომპანიის "როსსეტის” ხელმძღვანელი საქართველოში სამუშაო ვიზიტით იმყოფებოდა
რუსული სახელმწიფო კომპანიის ხელმძღვანელი საქართველოს ეწვია და შეხვედრები გამართა ეკონომიკის სამინისტროში. ამის შესახებ ინფორმაციას რუსული სახელმწიფო კომპანია “როსსეტი” ავრცელებს.
განცხადების თანახმად, “ფედერალური ქსელური კომპანია - როსსეტის” დელეგაცია, კომპანიის გენერალური დირექტორი ანდრეი რიუმინის მეთაურობით, საქართველოს სამუშაო ვიზიტით ეწვია.
“შედგა შეხვედრა ქვეყნის უდიდესი ენერგოკომპანია “საქრუსენერგოს” ხელმძღვანელობასთან, რომლის კაპიტალში 50%-იან წილებს ფლობენ “როსსეტი” და საქართველოს მთავრობა. განიხილებოდა ელექტროქსელების სანდოობის საკითხები, მიმდინარე შედეგები და საინვესტიციო გეგმები. ასევე, შეჯამებულ იქნა 2024 წლის სამრეწველო და ფინანსურ-ეკონომიკური შედეგები…
ასევე, შეხვედრა გაიმართა საქართველოს ეკონომიკისა და მდგრადი განვითარების სამინისტროში, რომელზეც განიხილებოდა მოდერნიზაციასთან და ელექტრო-ენერგეტიკული ინფრასტრუქტურის მშენებლობასთან დაკავშირებულ პროექტებში მონაწილეობის შესაძლებლობა”, - ნათქვამია რუსული სახელმწიფო კომპანია “როსსეტის” განცხადებაში.
ცნობისთვის, ანდრეი რიუმინი სანქცირებულია ევროკავშირის, დიდი ბრიტანეთის, კანადისა და შვეიცარიის მიერ.
v-if="article.gallery" v-html="article.gallery"
