საქართველოს პროკურატურამ ნარკოტიკული საშუალების უკანონო შეძენა, შენახვის და რეალიზაციის მომზადების ფაქტებზე ორ პირს ბრალდება წარუდგინა.

ამის შესახებ ინფორმაციას გენერალური პროკურატურა ავრცელებს.

„შინაგან საქმეთა სამინისტროს მიერ ჩატარებული გამოძიებით დადგინა, რომ ბრალდებულები უკანონოდ ინახავდნენ ნარკოტიკულ საშუალებას და რეალიზაციის მიზნით, სხვადასხვა ლოკაციაზე ანთავსებდნენ. გატარებული ღონისძიებების შედეგად ამოღებულია ნარკოტიკული საშუალება გამომშრალი მარიხუანა.

დაკავებულებს ბრალდება საქართველოს სისხლის სამართლის კოდექსის 273-ე პრიმა მუხლის მე-2 ნაწილით (მარიხუანას უკანონო შეძენა, შენახვა) და 18,260-ე ტერცია მუხლის პირველი ნაწილით (მარიხუანას უკანონო რეალიზაციის მომზადება) წარედგინათ, რაც სასჯელის სახედ და ზომად 10 წლამდე თავისუფლების აღკვეთას ითვალისწინებს.

პროკურატურის შუამდგომლობის საფუძველზე, სასამართლომ ბრალდებულებს აღკვეთის ღონისძიების სახით პატიმრობა შეუფარდა. შინაგან საქმეთა სამინისტროში გამოძიება გრძელდება დანაშაულთან შესაძლო შემხებლობაში მყოფი სხვა პირების დადგენის მიზნით“,- ნათქვამია ინფორმაციაში.