თბილისის საქალაქო სასამართლოში პოლიციელზე თავდასხმაში ბრალდებულ 19 წლის საბა ჯიქიას საქმეზე სასამართლო სხდომა მიმდინარეობს.

სასამართლო სხდომის დაწყებისას ადვოკატმა ახალი შუამდგომლობა დააყენა, დასაკითხ პირთა სიაში, 2 ადამიანის დამატებასთან დაკავშირებით. ასევე, ადვოკატმა ახალი ვიდეო მტკიცებულებაც წარადგინა, რომელშიც მისივე შეფასებით, 2024 წლის 1 დეკემბერს აქციის ვითარებას ასახავს. თუმცა მოსამართლის, თამარ მჭედლიშვილის განცხადებით, ის შუამდგომლობაზე პასუხს შემდეგ სხდომაზე გასცემს.

ასევე სხდომას ესწრება თავად ბრალდებული საბა ჯიქია.

ცნობისთვის, საბა ჯიქიას ბრალი სისხლის სამართლის კოდექსის 353-ე პრიმა მუხლის პირველი ნაწილით წარუდგინეს, რაც პოლიციელზე თავდასხმას გულისხმობს. კერძოდ, მას ედავებიან, რომ პოლიციელს წიხლი ჩაარტყა.

ჯიქიას 4-დან 7-წლამდე თავისუფლების აღკვეთა ემუქრება.