თბილისის სახელმწიფო სამედიცინო უნივერსიტეტი Times Higher Education Impact Rankings 2025-ის მიხედვით მსოფლიოს ტოპ 201–300 საუკეთესო უნივერსიტეტს შორის მოხვდა.

წელს მთელი მსოფლიოს მასშტაბით 130 ქვეყნის 2526 უნივერსიტეტი შეისწავლეს. თბილისის სახელმწიფო სამედიცინო უნივერსიტეტმა ერთ-ერთი საუკეთესო პოზიცია დაიკავა SDG3-ის – ჯანმრთელობა და კეთილდღეობის მიმართულებით, რაც კიდევ ერთხელ უსვამს ხაზს, თსსუ-ის წვლილს გლობალური მდგრადი განვითარების მიზნების მიღწევაში.

უნივერსიტეტების რეიტინგი მთელი მსოფლიოს მასშტაბით, გაერთიანებული ერების ორგანიზაციის (გაეროს) მდგრადი განვითარების მიზნების (SDGs) შესრულების შედეგების მიხედვით მომზადდა. შეფასება თაიმსის მსოფლიო უნივერსიტეტების რეიტინგის სისტემით - Times Higher Education Impact Rankings 2025 - მოხდა. რეიტინგის შედგენისას მთავარი კრიტერიუმი იყო ის წვლილი, რაც უმაღლეს საგანმანათლებლო დაწესებულებებს მდგრადი განვითარების ხელშეწყობასა და გნავითარებაში შეაქვთ.