საუდის არაბეთი, ომანი და კატარი აშშ-ის მიერ ირანის ბირთვულ ობიექტებზე დარტყმებს ეხმაურებიან
საუდის არაბეთი აშშ-ის მიერ ირანის ბირთვულ ობიექტებზე განხორციელებული თავდასხმების გამო შეშფოთებას გამოხატავს.
საუდის არაბეთის საგარეო საქმეთა სამინისტროს მიერ X-ზე გამოქვეყნებულ განცხადებაში აღნიშნულია, რომ მათ „კრიზისის დასასრულებლად პოლიტიკური გადაწყვეტის პოვნა სურთ“.
ამასთან, ომანი აცხადებს, რომ აშშ-ის მიერ ირანის ბირთვულ ობიექტებზე განხორციელებული თავდასხმები ომის გაფართოების საფრთხეს ჰქნის და საერთაშორისო სამართლის დარღვევას წარმოადგენს.
კატარის საგარეო საქმეთა სამინისტროში აცხადებენ, რომ ქვეყანა გმობს სიტუაციის გაუარესებას და სახიფათო დაძაბულობას მას შემდეგ, რაც აშშ-ის დაბომბვამ კატასტროფული შედეგები გამოიწვია რეგიონულ და საერთაშორისო დონეზე.
