პუტინს მხოლოდ ძალის ენა ესმის, შესაბამისად, სამშვიდობო ძალისხმევებიც ამ ენაზე საუბარს საჭიროებს. ამის შესახებ გერმანიის კანცლერი, ფრიდრიხ მერცი X-ის საკუთარ გვერდზე წერს.

მისი თქმით, უკრაინაში თავდასხმების ახალი ტალღით ნათელი გახადა, რომ რუსეთს მშვიდობის მზაობა არ გააჩნია.

“ძალიან დიდი ხნის განმავლობაში ჩვენ გერმანიაში არ გვინდოდა ჩვენი ბალტიელი მეზობლების გაფრთხილებების მოსმენა რუსეთის იმპერიალისტური პოლიტიკის შესახებ. ეს შეცდომა ვაღიარეთ. ამ გააზრებიდან უკან გზა არ არსებობს…

უკრაინაში მყარი მშვიდობა ყველა მხარის მზაობას მოითხოვს. რუსეთმა თავდასხმების ახალი ტალღით ნათელი გახადა, რომ ეს მზაობა არ გააჩნია.

პუტინს მხოლოდ ძალის ენა ესმის. შესაბამისად, სამშვიდობო ძალისხმევებიც ამ ენაზე საუბარს საჭიროებს”, - წერს მერცი.