ევროპარლამენტის რეზოლუციებთან დაკავშირებით ვიტყვი იმას, რასაც ხმამაღლა არასდროს ამბობენ - ჩვენ გვეუბნებიან, ნუ მიაქცევთ ყურადღებას, ხომ იცით, ევროპარლამენტის რეზოლუციას ის ძალა და მნიშვნელობა არ აქვს, გადაწყვეტილების მიმღები ორგანო არ არისო, ამას გეუბნებიან, მაგრამ ხმამაღლა არ ამბობენ,- ამის შესახებ საგარეო საქმეთა მინისტრმა, მაკა ბოჭორიშვილმა პარლამენტის დროებითი საგამოძიებო კომისიაზე განაცხადა.

როგორც ბოჭორიშვილმა აღნიშნა, საქართველოში დღეს თუ „რაიმე აკნინებს ევროკავშირის ინტერესებს და ევროპულ ინტერესებს, არის მათი და არა „ქართული ოცნების“ ქმედებები“.

„ევროპარლამენტის რეზოლუციებთან დაკავშირებით ვიტყვი იმას, რასაც ხმამაღლა არასდროს ამბობენ ხოლმე.

ჩვენ გვეუბნებიან, ნუ მიაქცევთ ყურადღებას, ხომ იცით, ევროპარლამენტის რეზოლუციას ძალა და მნიშვნელობა არ აქვს, გადაწყვეტილების მიმღები ორგანო არ არისო. ამას გეუბნებიან, მაგრამ ხმამაღლა არ ამბობენ.

მე ვბედავ ახლა და ვამბობ ამას, რაც შემდეგ შეიძლება შეფუთონ, რომ თითქოს ევროპულ ინსტიტუტს მივაყენე შეურაცხყოფა. არ ვაყენებ შეურაცხყოფას, ამას თვითონ ამბობენ, თუმცა ხმამაღლა არ საუბრობენ. ინსტრუმენტად იყენებენ ევროპარლამენტის იმ რეზოლუციას, რასაც შემდეგ ქართულ საზოგადოებაში შეიძლება, ერთი ამბავი მოჰყვეს და ქართულ საზოგადოებას აფიქრებინონ, რომ აი, ნახეთ, როგორ ფიქრობენ ევროპელები საქართველოზე.

ძალიან სამწუხაროა, ეს საბოლოო ჯამში, აზიანებს მთავარს – საქართველოში ევროპულ ინტერესს და საქართველოს ევროპულ ინტერესს. საქართველოში დღეს თუ რამე აკნინებს ევროკავშირის ინტერესებს და ევროპულ ინტერესებს, არის მათი და არა „ქართული ოცნების“ ქმედებები“, - განაცხადა მაკა ბოჭორიშვილმა.