„ქართული ოცნების“ დეპუტატის, ირმა ზავრადაშვილის შეფასებით, ე.წ. ოპოზიციური პარტიის ლიდერები გაექცნენ პასუხისმგებლობას და საკუთარ ამომრჩეველს ციხეში დაემალნენ.

ამის შესახებ მან პარლამენტის პლენარულ სხდომაზე გამოსვლისას განაცხადა.

„ქართველი ადამიანი საუკუნეების განმავლობაში მენტალურად ყველაზე მეტად რასაც ვერ ეგუება და არ შეეგუება არასდროს, ეს არის ღალატი და უსამართლობა. სწორედ ეს კომისია მისცემს ქართველ ხალხს იმის საშუალებას, რომ იმ 9 წლის განმავლობაში, რასაც ეს რეჟიმი აკეთებდა, სამშობლოს მოღალატეები და უსამართლობა გარკვეული ფორმით კომპენსირებული იყოს.

ე.წ. ოპოზიციური პარტიის ლიდერები გაექცნენ პასუხისმგებლობას და საკუთარ ამომრჩეველს ციხეში დაემალნენ. რამდენად შესაძლებელია, პასუხები, რაც თავის დროზე, საგამოძიებო კომისიისთვის უნდა გაეცათ, კომისიის კითხვებს უპასუხონ იქიდან ანუ სადაც არიან?“- განაცხადა ირმა ზავრადაშვილმა.