აშშ-ის დარტყმების შემდეგ ირანის ბირთვული ობიექტების მდგომარეობის შესახებ რეალისტური ინფორმაცია ჯერ არავის აქვს, - ამის შესახებ კრემლის პრესსპიკერმა, დიმიტრი პესკოვმა განაცხადა.

დიმიტრი პესკოვი აშშ-ის პრეზიდენტის, დონალდ ტრამპის განცხადებას გამოეხმაურა, რომლის თანახმადაც ირანის ბირთვული ობიექტები აშშ-ის იერიშების შედეგად „სრულად განადგურდა“.

„არ მგონია, რომ ვინმეს ახლა რეალისტური ინფორმაცია ჰქონდეს. ასეთი მონაცემების გამოქვეყნებას უნდა დაველოდოთ“, - განაცხადა პესკოვმა.