გასული დღე-ღამის განმავლობაში ღაზის სექტორში ისრაელის სამხედრო ოპერაციას სულ მცირე, 98 ადამიანი ემსხვერპლა. Aljazeera-ს ინფორმაციით, მსხვერპლთა შორის 33 ადამიანი ჰუმანიტარული დახმარების განაწილების ცენტრებთან დაიღუპა.

როგორც მედია იუწყება, ისრაელის სამხედროებმა ქალაქ ღაზის შეიხ რადვანის უბანში სკოლის შენობა დაბომბეს, სადაც თავს დევნილი მოსახლეობა აფარებს.

მათივე ცნობით, მიმდინარე წლის 27 მაისიდან დღემდე ისრაელის თავდაცვის ძალებმა სულ მცირე 500 -ზე მეტი პალესტინელი მოკლეს, რომლებიც ჰუმანიტარული დახმარების მიღებას ცდილობდნენ.

ცნობისთვის, ისრაელის პრემიერ-მინისტრმა, ბენიამინ ნეთანიაჰუმ და თავდაცვის მინისტრმა, ისრაელ კაცმა ისრაელის სამხედროებს დაავალეს, 48 საათის განმავლობაში წარმოადგინონ გეგმა, რათა „ჰამასის“ მიერ ღაზაში დახმარების „მითვისება“ შეაჩერონ.