The Guardian - აკრძალვის მიუხედავად, ბუდაპეშტში ლგბტქ პრაიდი იმართება
აკრძალვის მიუხედავად, ბუდაპეშტში ლგბტქ პრაიდი იმართება, - ამის შესახებ ინფორმაციას The Guardian-ი ავრცელებს.
უნგრეთის დედაქალაქის, ბუდაპეშტის ცენტრში ლგბტქ პრაიდის მონაწილეები იკრიბებიან.
გამოცემის ცნობით, მოსალოდნელია, რომ მსვლელობაში მონაწილეობას ათიათასობით ადამიანი მიიღებს.
ცნობისთვის, აპრილში უნგრეთის პარლამენტმა საკონსტიტუციო შესწორება მიიღო, რომელიც ლგბტქ+ თემებისთვის შეკრების თავისუფლების შეზღუდვას ითვალისწინებს.
რამდენიმე დღის წინ ევროკომისიის პრეზიდენტმა, ურსულა ფონ დერ ლაიენმა უნგრეთის ხელისუფლებას ბუდაპეშტში პრაიდის ღონისძიებების ჩატარების დაშვებისკენ მოუწოდა.
ევროკომისიის პრეზიდენტის განცხადებას უნგრეთის პრემიერ-მინისტრი, ვიქტორ ორბანი გამოეხმაურა.
„მოვუწოდებ ევროკომისიას, თავი შეიკავოს წევრი სახელმწიფოების საკანონმდებლო ორგანოების საქმიანობაში ჩარევისგან, სადაც მას არანაირი როლი არ აქვს“, - აღნიშნა ვიქტორ ორბანმა.
v-if="article.gallery" v-html="article.gallery"
