მინდა, მოგმართოთ რწმენითა და მხარდაჭერით: ამ გზაზე, რომელიც ახლა იწყება, წინ შეგხვდებათ სირთულეებიც და მიღწევებიც - გამოიყენეთ ყველა გამოწვევა, როგორც შესაძლებლობა პიროვნული ზრდისა და თქვენი სამშობლოს უკეთესი მომავლისთვის, - ასე მიმართავს „გახარია საქართველოსთვის“ პარტიის პოლიტიკური საბჭოს წევრი რუსუდან თევზაძე აბიტურიენტებს, რომლებსაც დღეს ეროვნული გამოცდები დაეწყოთ.

რუსუდან თევზაძე ახალგაზრდებს წარმატებას უსურვებს და სწავლისკენ, შრომისა და მოქმედებისკენ მოუწოდებს მათ.

“საქართველოს ძვირფასო ახალგაზრდებო, გილოცავთ ეროვნული გამოცდების დაწყებას!

ეს არის მნიშვნელოვანი ეტაპი თქვენს ცხოვრებაში - დრო, როცა თქვენი შრომა, მიზნები და ოცნებები ნამდვილ გამოცდას გადის. გისურვებთ დიდ წარმატებებს თითოეულ თქვენგანს!

მინდა მოგმართოთ რწმენითა და მხარდაჭერით: ამ გზაზე, რომელიც ახლა იწყება, წინ შეგხვდებათ სირთულეებიც და მიღწევებიც - გამოიყენეთ ყველა გამოწვევა როგორც შესაძლებლობა პიროვნული ზრდისა და თქვენი სამშობლოს უკეთესი მომავლისთვის.

ყოველთვის გახსოვდეთ: სიმართლის მსახურება - სამშობლოს მსახურებაა.

ისწავლეთ, იშრომეთ და იმოქმედეთ ღირსებით, საქართველოში თქვენი და სხვათა კეთილდღეობისთვის.

წარმატებებს გისურვებთ!”, - წერს რუსუდან თევზაძე.