ვოლოდიმირ ზელენსკი - ვატიკანში ლიდერების დონეზე შეხვედრების ჩატარების წინადადება ღიაა - მხოლოდ მოსკოვი აგრძელებს მის უარყოფას
უკრაინის პრეზიდენტი ვოლოდიმირ ზელენსკი ვატიკანში რომის პაპს ლეო XIV-ს შეხვდა.
როგორც უკრაინის პრეზიდენტი შეხვედრის შემდეგ სოციალურ ქსელში წერს, პაპთან ძალიან შინაარსიანი საუბარი ჰქონდა, რისთვისაც მადლობელია.
„ჩვენ ვაფასებთ ყველა მხარდაჭერას და ლოცვას უკრაინაში მშვიდობისთვის“, - აღნიშნავს ზელენსკი.
ამასთან, ზელენსკის თქმით, ვატიკანში ლიდერების დონეზე შეხვედრების ჩატარების წინადადება ღიაა და სრულიად შესაძლებელია, რომლის მიზანია რუსული აგრესიის შეჩერება და სტაბილური, ხანგრძლივი და ნამდვილი მშვიდობის მიღწევა.
„ამჟამად, მხოლოდ მოსკოვი აგრძელებს ამ წინადადების უარყოფას, რადგან მან უარყო ყველა სხვა სამშვიდობო ინიციატივა.
ჩვენ გავაგრძელებთ გლობალური სოლიდარობის გაძლიერებას, რათა დიპლომატია კვლავ წარმატებული იყოს“, - აღნიშნავს ზელენსკი.
მისი თქმით, განსაკუთრებით მადლობა გადაუხადა პაპს უკრაინელი ბავშვების, განსაკუთრებით კი რუსული ტყვეობიდან დაბრუნებული ბავშვების მხარდაჭერისთვის.
„უკრაინელ ბავშვებს ახლა აქვთ რეაბილიტაციისა და დასვენების შესაძლებლობა იტალიაში და ასეთი სტუმართმოყვარეობა და გულწრფელობა უაღრესად მნიშვნელოვანია. დღეს ჩვენ ასევე განვიხილეთ ვატიკანის მხრიდან რუსეთის მიერ გატაცებული უკრაინელი ბავშვების დაბრუნების ხელშეწყობის მცდელობები“, - წერს ზელენსკი.
ვოლოდიმირ ზელენსკის თქმით, რომის პაპი უკრაინაში მიიწვია.
