თურქეთში ბოლო 9 თვის განმავლობაში 500-ზე მეტი პოლიტიკოსი დააკავეს, რომლებიც პრეზიდენტ რეჯეფ თაიფ ერდოღანის მოწინააღმდეგეები არიან.

Reuters წერს, რომ ოფიციალური ინფორმაციით, გამოძიება კორუფციულ ქსელს ეხება, რომელიც „რვაფეხას ჰგავს, რომლის საცეცებიც თურქეთის სხვა ნაწილებსა და საზღვარგარეთამდეა გადაჭიმული“.

მათივე ცნობით, გამოძიება თავდაპირველად სტამბოლში დაიწყო, მაგრამ მთელ ქვეყანაში გავრცელდა და მხოლოდ იმ მუნიციპალიტეტებს მოიცავს, რომლებსაც ერდოღანის მთავარი ოპონენტი რესპუბლიკური სახალხო პარტია (CHP) მართავს.

„ეს არის სამართლებრივი პროცესი და არა პოლიტიკური. ჩვენ არ ვართ ჩართულნი ამ პროცესის არცერთ ასპექტში“, - განუცხადა ერდოღანმა პარლამენტში სიტყვით გამოსვლისას.