კიმ ჩენ ინი სერგეი ლავროვს შეხვდა, - ამის შესახებ ინფორმაციას რუსული მედია ავრცელებს.

რუსეთის საგარეო უწყების ცნობით, ჩრდილოეთ კორეაში ვიზიტის ფარგლებში რუსეთის საგარეო საქმეთა მინისტრი, სერგეი ლავროვი ჩრდილოეთ კორეის ლიდერს, კიმ ჩენ ინს შეხვდა.

რუსეთის საგარეო საქმეთა სამინისტროში განაცხადეს, რომ შეხვედრისას სერგეი ლავროვმა და კიმ ჩენ ინმა ორმხრივი ურთიერთობებისა და მომავალი კონტაქტების საკითხები განიხილეს.

ცნობისთვის, სერგეი ლავროვი ჩრდილოეთ კორეაში გუშინ ჩავიდა, სადაც ქვეყნის საგარეო საქმეთა მინისტრთან, ჩოი სონ ჰუისთან მოლაპარაკებები გამართა.