გერმანია არ გეგმავს უკრაინას Taurus-ის ტიპის საჰაერო ფრთოსანი რაკეტები და ამერიკული Patriot-ის ტიპის საზენიტო-სარაკეტო სისტემები გადასცეს, რომელიც მისი არმიის შეიარაღებაშია, - ამის შესახებ გერმანიის თავდაცვის მინისტრმა, ბორის პისტორიუსმა განაცხადა.

„გერმანიაში მხოლოდ ექვსი დაგვრჩა. ეს მართლაც ძალიან ცოტაა, განსაკუთრებით ნატო-ს მიზნების გათვალისწინებით, რომელსაც უნდა მივაღწიოთ. ნამდვილად ვეღარ მივცემთ მეტს“, - აღნიშნა პისტორიუსმა Patriot-ის საზენიტო-სარაკეტო სისტემებზე საუბრისას.

ამასთან, მისი თქმით, განიხილავს წინადადებას, რომელიც მან გასულ თვეში აშშ-ის თავდაცვის მინისტრ პიტ ჰეგსეტს წარუდგინა და რომელიც გერმანიას საშუალებას მისცემს, აშშ-სგან კიევისთვის Patriot-ის ორი სისტემა შეიძინოს.

ბორის პისტორიუსმა ასევე განაცხადა, რომ გერმანია უკრაინას შორ მანძილზე მოქმედ Taurus-ის რაკეტებს არ მიაწვდის.