უპირატესობები, რომლითაც Webster University Tbilisi-ს სტუდენტები სარგებლობენ

დასაქმების გლობალური პერსპექტივა, საერთაშორისო ლექტორები, მულტიკულტურული გარემო, უნიკალური ელექტრონული საბიბლიოთეკო რესურსები, გლობალური მოქალაქეობის პროგრამა - ეს მხოლოდ ნაწილია იმ უპირატესობებისა, რომელსაც Webster University Tbilisi საბაკალავრო პროგრამის სტუდენტებს სთავაზობს.

2025-2026 სასწავლო წლისთვის Webster University Tbilisi 4 საბაკალავრო პროგრამაზე აცხადებს მიღებას. ესენია:

• ბიზნესის ადმინისტრირება (ინგლისურენოვანი)- პროგრამის კოდი ერთიან ეროვნულ გამოცდებზე - 2020101
• საერთაშორისო ურთიერთობები (ინგლისურენოვანი)- პროგრამის კოდი ერთიან ეროვნულ გამოცდებზე - 2020102
• კომპიუტერული მეცნიერება (ინგლისურენოვანი)- პროგრამის კოდი ერთიან ეროვნულ გამოცდებზე - 2020103
• ფსიქოლოგიის მეცნიერება (ინგლისურენოვანი)- პროგრამის კოდი ერთიან ეროვნულ გამოცდებზე - 2020104

უპირატესობები კი, რომლებსაც უნივერსიტეტი სტუდენტებს სთავაზობს, ასე გამოიყურება:

• Webster University Tbilisi-ს თითოეული პროგრამა აკრედიტებულია როგორც საქართველოში, ისე აშშ-ში. პროგრამებს აქვთ HLC (higher learning commission) აკრედიტაცია. Webster University 1925 წლიდან ინარჩუნებს ინსტიტუციურ აკრედიტაციას, რომელიც მსოფლიო მასშტაბით ვრცელდება. ეს ნიშნავს, რომ Webster University Georgia-ს სტუდენტები მიიღებენ იმავე ხარისხს, რასაც მიიღებდნენ აშშ-ში. ბიზნესის მიმართულების პროგრამები დამატებით აკრედიტებულია მსოფლიოს ერთ-ერთი უმაღლესი რანგის აკრედიტაციის ორგანოს Accreditation Council for Business Schools and Programs (ACBSP)-ის მიერ. აკრედიტაცია ფარავს საბაკალავრო და სამაგისტრო პროგრამებს მსოფლიოს ყველა კამპუსში საქართველოს ჩათვლით;
• Webster University Tbilisi სტუდენტებს სთავაზობს ამერიკულ განათლებასა და დიპლომს, რაც კურსდამთავრებულებს საერთაშორისო ასპარეზზე დასაქმების პერსპექტივებს უხსნის. თანამედროვეობის გამოწვევებზე მორგებული განათლება და კონტაქტები წარმატებით დასაქმებისთვის აუცილებელია;
• ოთხივე პროგრამის ფარგლებში ფაკულტეტზე ასწავლიან დარგის ექსპერტები, რომლებიც ქართული კამპუსის პარალელურად Webster University-ის სხვადასხვა კამპუსში ახორციელებენ აკადემიურ საქმიანობას;
• Webster University Tbilisi სტუდენტებს უმაღლეს ამერიკულ განათლებასა და საერთაშორისოდ აღიარებულ ამერიკულ დიპლომთან ერთად, უნივერსიტეტის მსოფლიოს მასშტაბით არსებული 50-მდე კამპუსიდან სასურველში 1 წლით სწავლის შესაძლებლობას სთავაზობს. მათ შორის ვენაში, ლეიდენში, ჟევაში, ათენსა და სენტ ლუისში. რაც ყველაზე მნიშვნელოვანია, ისინი გაცვლით პროგრამაში მონაწილეობის დროს საქართველოს კამპუსში სწავლის საფასურს გადაიხდიან. Webster University Tbilisi-ში სხვა კამპუსების ანალოგიური სასწავლო პროგრამები ხორციელდება. თუმცა მნიშვნელოვნად განსხვავდება სწავლის ღირებულება. საქართველოს მოქალაქეებისთვის აკადემიური წლის სწავლის გადასახადი 7900 დოლარია;
• უნივერსიტეტი აბიტურიენტებს პირველ პრიორიტეტად არჩევის შემთხვევაში 1 400$ ოდენობის გრანტს სთავაზობს. გრანტის მიღება უნივერსიტეტის ყველა საბაკალავრო პროგრამაზეა შესაძლებელი. ეს ეხება პირველ სასწავლო წელს, თუმცა მაღალი GPA-ს ქონის შემთხვევაში, სტუდენტებს გრანტის შემდგომ აკადემიურ წლებში შენარჩუნებაც შეუძლიათ.

პარალელურად, Webster University Georgia-ს სტუდენტებისთვის სახელმწიფო გრანტიც მოქმედებს. სწავლის ღირებულებას გამოაკლდება როგორც თავად უნივერსიტეტის შიდა გრანტი, ისე სტუდენტის მიერ მოპოვებული სახელმწიფო გრანტის შესაბამისი თანხის ოდენობაც;

• უნივერსიტეტში მოქმედებს გლობალური მოქალაქეობის პროგრამა, რომელიც სტუდენტებს მომავლის პიროვნული და პროფესიული გამოწვევებისათვის ამზადებს. პროგრამა მათ საშუალებას აძლევს გამოიყენოს პირადი გამოცდილება აკადემიურ სივრცეში, სადაც ისწავლიან კრიტიკულ აზროვნებას, ეფექტურ კომუნიკაციას და პრობლემების გადაჭრას. არსებული კურიკულუმის მეშვეობით დაეუფლებიან 21-ე საუკუნეში პასუხისმგებელი გლობალური მოქალაქეობისთვის საჭირო ძირითად კომპეტენციებს;
• გარდა იმისა, რომ საბაკალავრო პროგრამების კურიკულუმები მუდმივად ახლდება და თანამედროვეობის გამოწვევებზეა მორგებული, სტუდენტებს წვდომა აქვთ უნიკალურ ელექტრონულ საბიბლიოთეკო რესურსებზე, 160-მდე სამეცნიერო ბაზაზე, რაც მათ განათლებას კიდევ უფრო სრულყოფილს ხდის.

Webster ამერიკული საგანმანათლებლო სისტემის ერთ-ერთი ყველაზე წარმატებული და პოპულარული წარმომადგენელია. 1915 წელს დაარსებული უნივერსიტეტის მთავარი კამპუსში აშშ-ში, მისურის შტატში მდებარეობს. პირველი საერთაშორისო ფილიალი 1972 წელს ჟენევაში, შვეიცარიაში გაიხსნა. ამჟამად კი ვებსტერის უნივერსიტეტს სასწავლო კამპუსები აქვს მათ შორის აშშ-ში, შვეიცარიაში, ავსტრიაში, ნიდერლანდებში, ჩინეთსა და საბერძნეთში.

(R)