თბილისის მერიასთან საპროტესტო აქცია სახელწოდებით - „სიკვდილით სავსე ქალაქი“ მიმდინარეობს
თბილისის მერიასთან საპროტესტო აქცია სახელწოდებით - „სიკვდილით სავსე ქალაქი“ მიმდინარეობს.
აქციის მონაწილეები „სადგურის მოედნის“ ტერიტორიაზე საცხოვრებელი კორპუსის ფასადის ჩამონგრევის შედეგად ორი ადამიანის გარდაცვალებასთან დაკავშირებით პასუხისმგებლობას თბილისის მერიას და კახა კალაძეს აკისრებენ.
აქციის მონაწილეების განცხადებით, მერიის სამსახურმა დიდი ხნით ადრე იცოდა შენობის საფრთხის შესახებ, მიუხედავად ამისა მაინც არ დაიცვეს ზომები, რაც გარემოვაჭრეებსა თუ მცხოვრებლებს გადაარჩენდა.
“პასუხისმგებელია სახელმწიფო და “ქართული ოცნების” პოლიტიკა. მათთვის არაფერს ნიშნავს ორი ადამიანის გარდაცვალება. არავინ დასჯილა ვაკის პარკის შემთხვევისას, რიგით ადამიანებს მოსთხოვეს პასუხი. ჩვენ არ გვინდა ვიცხოვროთ ისეთ სახელმწიფოში, სადაც ადამიანებს თავზე ემსხვრევა ლოდები.
ჩვენი პროტესტი არის ლეგიტიმური. ეს არის კავშირში იმასთან, რასაც 230-დღეა ვაპროტესტებთ.
კახა კალაძეს პასუხისმგებლობის გრძნობა რომ ჰქონდეს, დატოვებდა თანამდებობას და მოსახლეობას არ გადააბრალებდა იმას, რაც მოხდა. ჩვენი პროტესი უნდა გაგრძელდეს! ჩვენ ვაპროტესტებთ ამორალურ პოლიტიკას!”,- აცხადებენ აქციის მონაწილეები.
აქციის მონაწილეები ცოტახანში მსვლელობით საზოგადოებრივი მაუწყებლობის ყოფილ შენობასთან მსვლელობით გადაინაცვლებენ, საიდანაც ტრადიციულად რუსთაველის გამზირზე შეკრებილებს შეუერთდებიან.
v-if="article.gallery" v-html="article.gallery"
