ნატო-ს გენერალური მდივანი მარკ რუტე იულია სვირიდენკოს და დენის შმიგალს უკრაინის პრემიერ-მინისტრის და თავდაცვის მინისტრის თანამდებობებზე დანიშვნას ულოცავს.

„ვულოცავ იულია სვირიდენკოს უკრაინის პრემიერ-მინისტრად დანიშვნას და მადლობას ვუხდი დენის შმიგალს შესანიშნავი მუშაობისთვის. მოუთმენლად ველი მასთან მჭიდრო თანამშრომლობას თავდაცვის მინისტრის ახალ თანამდებობაზე. უკრაინას ნატო-ს მუდმივი მხარდაჭერა აქვს“, - წერს რუტე სოციალურ ქსელში.

შეგახსენებთ, უკრაინის უმაღლესმა რადამ გუშინ პრემიერ-მინისტრის თანამდებობაზე იულია სვირიდენკო დაამტკიცა და ქვეყნის მთავრობის ახალ შემადგენლობას მხარი დაუჭირა.