ტაიფუნის მოახლოების გამო შანხაიდან 282 000-ზე მეტი ადამიანის ევაკუაცია განხორციელდა, - ამის შესახებ ინფორმაციას სააგენტო „ფრანს-პრესი“ ავრცელებს.

ჩინეთის სახელმწიფო მედიის ცნობით, ქალაქ შანხაის ტაიფუნი „კო-მეი“ უახლოვდება.

„გუშინ საღამოდან დღევანდელი დილის 10:00 საათამდე, 282 800 ადამიანის ევაკუაცია განხორციელდა. ყველას ევაკუაცია განხორციელდა, რომელთა საჭიროებაც იყო“, - აცხადებს ჩინეთის სახელმწიფო ტელევიზია.

შეგახსენებთ, ბოლო რამდენიმე დღის განმავლობაში პეკინში მოსულ ძლიერ წვიმებს 30 ადამიანი ემსხვერპლა, ხოლო 80 000 ადამიანის ევაკუაცია გახდა საჭირო.