ვიეტნამში წყალდიდობას სულ მცირე 14 ადამიანი ემსხვერპლა. ქვეყნის სახელმწიფო მედიის ინფორმაციით, წყალდიდობა ვიეტნამის ჩრდილოეთ პროვინცია დიენ ბიენში ძლიერმა წვიმებმა გამოიწვია.

მათივე ცნობით, დაკარგულად ითვლება კიდევ რამდენიმე ადამიანი და შესაბამისად, მსხვერპლთა რაოდენობა, სავარაუდოდ, გაიზრდება.

როგორც მედიასაშუალება იტყობინება, ხუთშაბათს ღამით, რამდენიმესაათიანი ძლიერი წვიმის შემდეგ, წყლის დონე სწრაფად გაიზარდა, რამაც დაბლობ რაიონებში სახლები დატბორა და პროვინციის მთიან ნაწილებში წყალდიდობები და ღვარცოფები გამოიწვია.