ვოლოდიმირ ზელენსკი კირ სტარმერს ესაუბრა, - ამის შესახებ ინფორმაციას უკრაინის პრეზიდენტი ავრცელებს.

უკრაინის პრეზიდენტის, ვოლოდიმირ ზელენსკის ცნობით, დიდი ბრიტანეთის პრემიერ-მინისტრს, კირ სტარმერს უკრაინაში მშვიდობის მიღწევის საკითხზე ესაუბრა.

„მხარდაჭერისთვის მადლიერი ვარ. ვიზიარებთ მოსაზრებას უკრაინაში ნამდვილად მდგრადი მშვიდობის აუცილებლობისა და იმ საფრთხის შესახებ, რასაც რუსეთის გეგმა წარმოადგენს, რომლითაც ცდილობს ყველაფერი შეუძლებელზე საუბრამდე დაიყვანოს“, - წერს ვოლოდიმირ ზელენსკი X-ზე.

მისი თქმით, „ახლა მკაფიო ნაბიჯები და პარტნიორებთან მაქსიმალური კოორდინაციაა საჭირო“.

„ვაფასებთ გაერთიანებული სამეფოს, ამერიკის შეერთებული შტატებისა და ყველა პარტნიორის ძალისხმევას, რათა ეს ომი დასრულდეს“, - აცხადებს უკრაინის პრეზიდენტი.