დონალდ ტრამპი ვლადიმერ პუტინს აუხსნის, რომ სანქციებთან დაკავშირებით ყველა ვარიანტი განიხილება, - ამის შესახებ აშშ-ის სახაზინო მდივანმა, სკოტ ბესენტმა განაცხადა.

სკოტ ბესენტის თქმით, თუ ალასკაზე დაგეგმილი აშშ-ისა და რუსეთის პრეზიდენტების, დონალდ ტრამპისა და ვლადიმერ პუტინის სამიტი წარმატებული არ იქნება, მაშინ შეიძლება რუსეთის წინააღმდეგ დაწესებული სანქციები გაიზარდოს.

„პრეზიდენტი პუტინს ნათლად განუცხადებს, რომ ყველა ვარიანტი განიხილება. სანქციები შეიძლება გაიზარდოს, შემცირდეს ან გარკვეული ვადები დაწესდეს“, - განაცხადა სკოტ ბესენტმა.

ბესენტმა აღნიშნა, რომ „მეტი ზეწოლის ბერკეტის შექმნის მიზნით, სანქციებს ევროპელებიც უნდა შეუერთდნენ“.