აშშ-ის პრეზიდენტ დონალდ ტრამპს, უკრაინის პრეზიდენტ ვოლოდიმირ ზელენსკის და ევროპელ ლიდერებს შორის ონლაინ სამიტი მიმდინარეობს. ინფორმაციას CNN საფრანგეთის პრეზიდენტის ადმინისტრაციაზე დაყრდნობით ავრცელებს.

ასევე, მედიაში გავრცელდა უკრაინის პრეზიდენტის, ვოლოდიმირ ზელენსკის და გერმანიის კანცლერის, ფრიდრიხ მერცის ფოტო, რომლებიც დღევანდელ შეხვედრას ესწრებიან. ისინი ერთად სხედან.

როგორც ცნობილია, ზელენსკი ბერლინში დილით ჩაფრინდა.

ასევე ონლაინ ფორმატში გასამართი შეხვედრის შესახებ გამოქვეყნდა საფრანგეთის პრეზიდენტის, ემანუელ მაკრონის და სხვა ევროპელი ლიდერების ფოტო.

მოლაპარაკებებში აშშ-ის პრეზიდენტ დონალდ ტრამპთან ერთად ვიცე-პრეზიდენტი ჯეი დი ვენსი ჩაერთვება.

შეხვედრა აშშ-ისა და რუსეთის პრეზიდენტების, დონალდ ტრამპისა და ვლადიმერ პუტინის ალასკაში დაგეგმილი სამიტის წინ ტარდება.