უკრაინის პრეზიდენტი ვოლოდიმირ ზელენსკი ლონდონში ჩავიდა, - ამის შესახებ ინფორმაციას Sky News-ი ავრცელებს.

ვოლოდიმირ ზელენსკის დაუნინგ სტრიტზე დიდი ბრიტანეთის პრემიერ-მინისტრი, კირ სტარმერი დახვდა.

გამოცემა The Guardian-ის ინფორმაციით, ვოლოდიმირ ზელენსკისთან ერთად ლონდონში უკრაინის პრეზიდენტის ადმინისტრაციის ხელმძღვანელი, ანდრეი ერმაკიც იმყოფება.

შეგახსენებთ, გუშინ ევროპელმა ლიდერებმა და ვოლოდიმირ ზელენსკიმ აშშ-ის პრეზიდენტთან, დონალდ ტრამპთან სატელეფონო საუბარი გამართეს.

სატელეფონო საუბრის შემდეგ კირ სტარმერმა განაცხადა, რომ „ნებისმიერი შეთანხმების ფარგლებში თავისი ტერიტორიული მთლიანობის დასაცავად უკრაინას მყარი და საიმედო უსაფრთხოების გარანტიები უნდა ჰქონდეს“.