იტალიის კუნძულ ლამპედუზასთან მიგრანტების გემის ჩაძირვის შედეგად დაღუპულთა რიცხვმა 26-ს გადააჭარბა.

Reuters-ის ინფორმაციით, მაშველებმა 60 გადარჩენილი ნაპირზე ამოიყვანეს. სამაშველო სამსახურის ინფორმაციით, სამძებრო სამუშაოები კიდევ გრძელდება და შესაძლოა მსხვერპლთა რიცხვი კიდევ გაიზარდოს.

UNHCR-ის ინფორმაციით, ჩრდილოეთ აფრიკიდან იტალიაში მოხვედრისას წელს სულ მცირე 675 ადამიანი დაიღუპა.