აშშ-ის პრეზიდენტი დონალდ ტრამპი და რუსეთის პრეზიდენტი ვლადიმერ პუტინი ალასკაში იმყოფებიან. ტრამპი და პუტინი ერთმანეთს ანკორიჯში მდებარე ელმენდორფ-რიჩარდსონის სამხედრო ბაზაზე შეხვდნენ. თვითმფრინავებიდან გამოსვლის შემდეგ ლიდერებმა ერთმანეთს ხელი ჩამოართვეს. მათ ჟურნალისტების კითხვებს პასუხი არ გასცეს. პუტინს ჟურნალისტებმა ჰკითხეს, შეწყვეტს თუ არა ის სამოქალაქო პირების მკვლელობებს, რაზეც პუტინმა ჟესტით უპასუხა, რომ თითქოს კითხვა ვერ გაიგო.

აეროდრომიდან ტრამპი და პუტინი ერთი ავტომობილით გაემგზავრნენ.

დახვედრის ცერემონიის შემდეგ შეხვედრა დაიწყება.