რუსები შეხვედრებთან დაკავშირებით ნეგატიურ სიგნალებს გზავნიან, - ამის შესახებ უკრაინის პრეზიდენტი, ვოლოდიმირ ზელენსკი X-ზე წერს.

უკრაინის პრეზიდენტის, ვოლოდიმირ ზელენსკის ცნობით, ფინეთის პრეზიდენტთან, ალექსანდრ სტუბთან „კარგი სატელეფონო საუბარი“ ჰქონდა.

„ჩვენი გუნდები უკრაინისთვის ძლიერი და მრავალმხრივი უსაფრთხოების გარანტიების არქიტექტურის მომზადებაზე აქტიურად მუშაობენ. დეტალების განსაზღვრის პროცესს ვაჩქარებთ. უკვე ლიდერთა დონეზე მოლაპარაკებების ფორმატის ორგანიზების დროა, რათა მთავარი პრიორიტეტები და ვადები განვსაზღვროთ. სამწუხაროდ, ამჟამად რუსები მოვლენების შემდგომ განვითარებასთან და შეხვედრებთან დაკავშირებით ნეგატიურ სიგნალებს გზავნიან“, - წერს ვოლოდიმირ ზელენსკი.

მისი თქმით, „რუსების მხრიდან რეაგირება მხოლოდ რეალურ ზეწოლას მოჰყვება“.

„ზეწოლა აუცილებელია. რუსეთის მხრიდან რეალური დიპლომატიისკენ გადადგმული რეალური ნაბიჯებია საჭირო“, - აცხადებს უკრაინის პრეზიდენტი.