პარლამენტთან მიმდინარე საპროტესტო აქციების დროს ჯგუფური ძალადობის ორგანიზების და მასში მონაწილეობის ბრალდებით დაკავებულ ზვიად ცეცხლაძისა და კიდევ შვიდი პირის საქმე დასკვნით ეტაპზეა.

დღევანდელ სხდომაზე დასკვნით სიტყვას ნიკოლოზ ჯავახიშვილის ადვოკატი, ელგუჯა ავსაჯანიშვილი და ზვიად ცეცხლაძის ადვოკატი დავით ჭიკაიძე წარმოთქვამენ. აღნიშნულის შემდეგ, ბრალდებულები საბოლოო სიტყვით ისარგებლებენ.

ცნობისთვის, დაკავებული 8 პირიდან სამს - ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან. მათ 6-დან 9-წლამდე თავისუფლების აღკვეთა ემუქრებათ.

ბრალდებულებიდან ხუთს - გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.