ჩვენს პარტნიორებთან ერთად გავაგრძელებთ მუშაობას უკრაინაში სამართლიანი და მდგრადი მშვიდობის მისაღწევად, - ამის შესახებ ფინეთის პრეზიდენტმა, ალექსანდრ სტუბმა უკრაინის პრეზიდენტ ვოლოდიმირ ზელენსკისთან სატელეფონო საუბრის შემდეგ სოციალურ პლატფორმა X-ზე დაწერა.

მისი განცხადებით, პრეზიდენტ ზელენსკისთან მჭიდრო კონტაქტი გრძელდება.

„დღეს ჩვენ განვიხილეთ ვაშინგტონში გამართული შეხვედრის შემდგომი ნაბიჯები. უკრაინის უსაფრთხოების მტკიცე მხარდაჭერის გეგმა შემუშავების პროცესშია. უკრაინა მზად არის მშვიდობისთვის; რუსეთი უბრალოდ დროს აჭიანურებს. უნდა მოვახდინოთ ზეწოლა რუსეთზე, რათა მოლაპარაკებების მაგიდასთან დაჯდეს“, - დაწერა სტუბმა.