უკრაინის დედაქალაქ კიევზე გუშინ განხორციელებული თავდასხმები აჩვენებს, რომ პუტინი დასცინის ნებისმიერ სამშვიდობო მცდელობას. ამიტომ, ჩვენ უნდა გავზარდოთ ზეწოლა რუსეთზე და ეს არის ის, რაც მათ ისინი რეალურად ხვდებიან: ზეწოლა, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ჟურნალისტებს დანიაში განუცხადა, სადაც ევროკავშირის საგარეო და თავდაცვის მინისტრების არაფორმალური შეხვედრები იმართება.

მისი თქმით, დღევანდელი განხილვის მთავარი თემებია უკრაინის წინააღმდეგ რუსეთის ომი და თავდაცვის მზადყოფნა.

„ცხადია, რომ ჩვენ გვაქვს სხვადასხვა შესაძლებლობების სფერო, სადაც მეტი უნდა გავაკეთოთ. მოველი, რომ წევრი სახელმწიფოები ამ შესაძლებლობების სფეროებში ლიდერობას აიღებენ. ამიტომ, ჩვენ ძალიან კონკრეტული ნაბიჯები უნდა გადავდგათ კონკრეტული პროექტების განსახორციელებლად“, - აღნიშნა კალასმა.

ცნობისთვის, 29-30 აგვისტოს დანიაში ევროკავშირის საგარეო და თავდაცვის მინისტრების არაფორმალური შეხვედრები იმართება.