ბახმაროში ყოველდღე ახალი უკანონო მშენებლობა ჩნდება და ამ ყველაფრის უკან ხელისუფლების წარმომადგენლები დგანან, მათ შორის არის ჩოხატაურის მერიც, - ამის შესახებ “ნაციონალური მოძრაობის” პოლიტსაბჭოს თავმჯდომარემ, ლევან ხაბეიშვილმა განაცხადა.

მისი თქმით, უმძიმესი რეალობაა უყურო ბახმაროს როგორ ანადგურებენ აბსოლუტურად ვანდალურად.

„ხდება გაჩეხა, უკანონო მშენებლობები, ყოველდღე რომ ამოვიდეს ადამიანი ათობით დამატებით უკანონო მშენებლობები დახვდება, რაც ცხადია კატასტროფაა. ამ უკანონო მშენებლობების მესაკუთრეებს ნახავენ, დაინახავენ, რომ ამ უკანონო მშენებლობების უკან მხოლოდ თანამდებობის პირები, მმართველ პარტიასთან დაახლოებული პირების წევრები იკავებენ აქ ტერიტორიას. ეს არის სისხლის სამართლის დანაშაული, რასაც ასე ღიად აკეთებს მათ შორის ჩოხატაურის მერი”, - განაცხადა ლევან ხაბეიშვილმა.