ნატო-ს გენერალურ მდივანს, მარკ რუტეს „მსურველთა კოალიციის“ შეხვედრის მომზადების საკითხზე ვესაუბრე, რომელიც ამ ხუთშაბათს პარიზში გაიმართება, - ამის შესახებ საფრანგეთის პრეზიდენტი, ემანუელ მაკრონი სოციალურ პლატფორმა X-ზე წერს.

„ჩვენს პარტნიორებთან ერთად და ნატო-სთან კოორდინაციით, ვიმუშავებთ უკრაინისთვის უსაფრთხოების მყარი გარანტიების განსაზღვრაზე. ეს აუცილებელი წინაპირობაა მშვიდობისკენ სანდო სვლისთვის. ასევე გადავხედავთ რუსეთის პოზიციას, რადგან ის აგრძელებს აგრესიულ ომს და აგრძელებს მშვიდობის უარყოფას“, - აცხადებს მაკრონი.

საფრანგეთის პრეზიდენტი ხაზს უსვამს, რომ საჭიროა ერთიანობა და მტკიცე გადაწყვეტილება უკრაინის მხარდაჭერისას და მშვიდობის ურყევი ნება.