ფრაქცია „ქართული ოცნების“ თავმჯდომარე და უმრავლესობის ლიდერი ირაკლი კირცხალია გახდა. უმრავლესობის ფრაქციას მამუკა მდინარაძე ხელმძღვანელობდა, რომელმაც მთავრობის წარდგინებითა და პარლამენტის მხარდაჭერით სახელმწიფო უსაფრთხოების სამსახურის უფროსის თანამდებობა დაიკავა.

ამასთან, პარლამენტში მდინარაძის ადგილმონაცვლედ თორნიკე ფაღავა შედის, ფაღავას სადეპუტატო უფლებამოსილებას პარლამენტი დღევანდელ პლენარულ სხდომაზე ცნობს.