4 სექტემბერს ევროპელი ლიდერები და ვოლოდიმირ ზელენსკი დონალდ ტრამპთან სატელეფონო საუბარს გამართავენ, - ამის შესახებ ინფორმაციას The Guardian-ი ელისეის სასახლეზე დაყრდნობით ავრცელებს.

საფრანგეთის პრეზიდენტის ადმინისტრაციის ცნობით, უკრაინის პრეზიდენტი ვოლოდიმირ ზელენსკი და ევროპელი ლიდერები ხვალ „მსურველთა კოალიციის“ შეხვედრის შემდეგ აშშ-ის პრეზიდენტთან დონალდ ტრამპთან ისაუბრებენ.

დონალდ ტრამპთან სატელეფონო საუბარი თბილისის დროით 16:00 საათზეა მოსალოდნელი.

პარიზში „მსურველთა კოალიციის“ შეხვედრის შემდეგ ლიდერები პრესკონფერენციას გამართავენ.