უსაფრთხოების გარანტიები უკრაინისთვის, რომელიც პრეზიდენტ ვოლოდიმირ ზელენსკის სურს, მიუღებელია, ეს ევროპის კონტინენტისთვის საფრთხის გარანტიებია, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ აღმოსავლეთის ეკონომიკური ფორუმის ფარგლებში გამართულ ბრიფინგზე განაცხადა.

„კიევის ლიდერის ყველა ეს იდეა, რომელიც, ფაქტობრივად, ევროპელი სპონსორების - არა სპონსორების, არამედ ევროპის ომის პარტიის - ინიციატივების ასლია, როგორც უკვე არაერთხელ ვთქვით, აბსოლუტურად მიუღებელია“, - აღნიშნა ზახაროვამ.

მისი მტკიცებით ამ გარანტიების მიზანი უკრაინის, როგორც რუსეთის წინააღმდეგ ტერორისა და პროვოკაციების პლაცდარმის, შენარჩუნებაა.

„ისინი არ წარმოადგენენ უკრაინის უსაფრთხოების გარანტიებს, ისინი წარმოადგენენ ევროპის კონტინენტისთვის საფრთხის გარანტიებს“, - აღნიშნა ზახაროვამ.

მისი მტკიცებით, უკრაინისთვის ნებისმიერი დახმარების აღმოჩენა მხოლოდ ახანგრძლივებს „კიევის რეჟიმის აგონიას და კონფლიქტის ესკალაციის სერიოზულ რისკებს შეიცავს“.