უკრაინისა და უნგრეთის საგარეო საქმეთა მინისტრები მიმდინარე კვირას ბუდაპეშტში შეხვედრას გამართავენ. ამის შესახებ უნგრეთის საგარეო საქმეთა მინისტრმა, პეტერ სიიარტომ X-ის საკუთარ გვერდზე დაწერა.

„მიმდინარე კვირას ბუდაპეშტში შევხვდები [უკრაინის საგარეო საქმეთა მინისტრს] ანდრეი სიბიგას უნგრულ-უკრაინული ურთიერთობების განსახილველად. დიალოგის გვჯერა და ყოველთვის მზად ვართ საუბრებისთვის. მაგრამ ბურთი უკრაინის მოედანზეა: ნამდვილი პროცესი მხოლოდ მაშინ იქნება შესაძლებელი, თუ ზაკარპატიეს უნგრელების წართმეული უფლებები სრულად აღდგება“, - წერს სიიარტო.