პოლონეთის პრეზიდენტი რუსული დრონების მიერ პოლონეთის საჰაერო სივრცის დარღვევის შესახებ დონალდ ტრამპს ესაუბრა

პოლონეთის პრეზიდენტი კაროლ ნავროცკი აშშ-ის პრეზიდენტს, დონალდ ტრამპს ესაუბრა, - ამის შესახებ ინფორმაციას Politico ავრცელებს.

„ცოტა ხნის წინ, აშშ-ის პრეზიდენტ დონალდ ტრამპს რუსული დრონების მიერ პოლონეთის საჰაერო სივრცის მრავალჯერ დარღვევის შესახებ ვესაუბრე“, - განაცხადა პოლონეთის პრეზიდენტმა, კაროლ ნავროცკიმ.

კაროლ ნავროცკის თქმით, „აღნიშნული საუბარი მოკავშირეებთან კონსულტაციების ნაწილია“.

„დღევანდელმა საუბრებმა მოკავშირეებს შორის ერთიანობა დაადასტურა“, - აღნიშნა პოლონეთის პრეზიდენტმა.

შეგახსენებთ, გუშინ რუსულმა დრონებმა პოლონეთის საჰაერო სივრცე დაარღვიეს. პოლონეთის პრემიერ-მინისტრის, დონალდ ტუსკის ცნობით, ქვეყნის საჰაერო სივრცეში დრონების 19 შეჭრა დაფიქსირდა და პოლონეთმა ნატო-ს მე-4 მუხლის ამოქმედება მოითხოვა.

მომხდარს აშშ-ის პრეზიდენტი, დონალდ ტრამპი სოციალურ ქსელში გამოეხმაურა.

„რა ხდება რუსული დრონებით პოლონეთის საჰაერო სივრცის დარღვევაზე? აბა, დავიწყეთ!“, - დაწერა ტრამპმა Truth Social-ზე.

ვახტანგ ძაბირაძე - ჩვენ ხელიდან ვუშვებთ იმის შანსს, რომ საქართველო იყოს არა მარტო ყურადღების ცენტრში, არამედ დიდი მოთამაშეების ინტერესებში, ამგვარი ვითარება მხოლოდ ერთ ქვეყანას - რუსეთს აძლევს ხელს
ქართული პრესის მიმოხილვა 16.02.2026
„გორგიამ“ უზბეკეთში სამშენებლო-სარემონტო მასალების გამოფენაზე მიიღო მონაწილეობა