უამინდობამ ყვარლის მუნიციპალიტეტი დააზარალა. წინასწარი ინფორმაციით დასეტყვილია სოფელი შილდა. სტიქიამ სასოფლო - სამეურნეო სავარგულების ნაწილი დააზიანა.

ადგილობრივების თქმით, სეტყვა 15 წუთს გრძელდებოდა და ქარი ახლდა, რამაც გაანადგურა ერთწლოვანი კულტურები.

რა ზიანი მიადგა ვენახებს, ამ ეტაპზე ცნობილი არ არის, რადგან უამინდობა გრძელდება და ფერმერები ადგილზე მისვლას ჯერ ვერ ახერხებენ.

სტიქიის შედეგად მიყენებული ზიანის ოდენობა მოგვიანებით გაირკვევა.