გორის მუნიციპალიტეტის საკრებულოს სხდომა იწყება. დღის წესრიგით 14 საკითხია განსახილველი, რომელთა შორის არ არის საკრებულოს თავმჯდომარის, დავით რაზმაძის იმპიჩმენტის საკითხი, რასაც საკრებულოს ოპოზიციური ფრთის წარმომადგენლები აანონსებდნენ, თუმცა, არსებული ინფორმაციით, საკრებულოს სხდომის დღის წესრიგში, შესაძლოა, ცვლილება შევიდეს და დავით რაზმაძის იმპიჩმენტის საკითხი დააყენონ.

სხდომას ესწრება თავად დავით რაზმაძეც.

საკრებულოს თავმჯდომარის იმპიჩმენტის ინიციატივა ოპოზიციური პარტიების - „ერთიანი ნაციონალური მოძრაობა“ და „გახარია საქართველოსთვის“ დეპუტატებს ეკუთვნით.

გორის მუნიციპალიტეტის საკრებულო 36 წევრითაა დაკომპლექტებული, თავმჯდომარის იმპიჩმენტისთვის 19 წევრის ხმაა საჭირო.

შეგახსენებთ, დავით რაზმაძის იმპიჩმენტის საკითხი დღის წესრიგში მას შემდეგ დადგა, რაც მისი ინტერვიუ „New York Times“-ში გამოქვეყნდა.