გორის მუნიციპალიტეტის საკრებულოს სხდომაზე პირველ საკითხად საკრებულოს თავმჯდომარის იმპიჩმენტის საკითხს განიხილავენ.

საკრებულოს თავმჯდომარის იმპიჩმენტის ინიციატივა ოპოზიციური პარტიების - „ერთიანი ნაციონალური მოძრაობა“ და „გახარია საქართველოსთვის“ დეპუტატებს ეკუთვნით.

იმპიჩმენტის საკითხზე ფარული კენჭისყრა გაიმართება. საკრებულოს სხდომას ესწრება თავად დავით რაზმაძეც, თუმცა, სხდომას თავმჯდომარის მოადგილე მარლენ ნადირაძე უძღვება.

ინფორმაციისთვის, გორის მუნიციპალიტეტის საკრებულო 36 წევრითაა დაკომპლექტებული, თავმჯდომარის იმპიჩმენტისთვის 19 წევრის ხმაა საჭირო.

შეგახსენებთ, დავით რაზმაძის იმპიჩმენტის საკითხი დღის წესრიგში მას შემდეგ დადგა, რაც მისი ინტერვიუ „New York Times“-ში გამოქვეყნდა.