რუსეთის პრეზიდენტის პრესსპიკერის, დიმიტრი პესკოვის განცხადებით, ნატო რუსეთთან, ფაქტობრივად ომშია, ეს აშკარაა და მტკიცებულება არ სჭირდება.

„ნატო რუსეთთან ომშია. ეს აშკარაა და ამას არანაირი დამატებითი მტკიცებულება არ სჭირდება. ნატო ამ ომში, დე ფაქტო, ჩართულია“, - განუცხადა პესკოვმა ჟურნალისტებს.

მისი თქმით, ნატო კიევის რეჟიმს როგორც ირიბ, ასევე პირდაპირ მხარდაჭერას უწევს.

„ნატო კიევის რეჟიმს როგორც ირიბ, ასევე პირდაპირ მხარდაჭერას უწევს. ამიტომ, სრული დარწმუნებით შეიძლება ითქვას, რომ ნატო რუსეთთან ომშია“, - აღნიშნა პესკოვმა.

მან კიდევ ერთხელ განაცხადა, რომ უკრაინის საკითხზე მოლაპარაკებების პროცესში პაუზაა.