შესაძლოა, მომავალ კვირას დონალდ ტრამპი ვოლოდიმირ ზელენსკის შეხვდეს, - ამის შესახებ აშშ-ის სახელმწიფო მდივანმა, მარკო რუბიომ განაცხადა.

მარკო რუბიოს ცნობით, აშშ-ის პრეზიდენტი, დონალდ ტრამპი უკრაინის პრეზიდენტს, ვოლოდიმირ ზელენსკის სავარაუდოდ, მომავალ კვირას ნიუ-იორკში, გაერო-ს გენერალური ასამბლეის ფარგლებში შეხვდება.

„პრეზიდენტს პუტინთან რამდენიმე სატელეფონო საუბარი ჰქონდა, ასევე რამდენიმე შეხვედრა ზელენსკისთან, მათ შორის, შესაძლოა, მომავალ კვირას ნიუ-იორკში კიდევ ერთი შედგეს“, - განაცხადა მარკო რუბიომ.

მისი თქმით, დონალდ ტრამპი ერთადერთია, ვისაც ვლადიმერ პუტინთან, ვოლოდიმირ ზელენსკისთან და ევროპელებთან საუბარი შეუძლია.

„თუ ის [დონალდ ტრამპი] ამ პროცესს გამოეთიშება, ან რუსეთს სანქციებს დაუწესებს, მაშინ მსოფლიოში არავინ დარჩება, ვინც შუამავლის როლის შესრულებას შეძლებს“, - აღნიშნა აშშ-ის სახელმწიფო მდივანმა.