დიდ ბრიტანეთში რუსეთის სასარგებლოდ ჯაშუშობის ბრალდებით სამი პირი დააკავეს, - ინფორმაციას Sky News-ი ავრცელებს.

დიდი ბრიტანეთის პოლიციის ცნობით, ესექსში, ანტიტერორისტული გამოძიების ფარგლებში რუსეთის სასარგებლოდ ჯაშუშობის ბრალდებით ორი მამაკაცი (46 და 41 წლის) და 39 წლის ქალი დააკავეს. ასევე, პოლიციამ ეჭვმიტანილების მისამართებზე ჩხრეკა ჩაატარა.

მოგვიანებით, სამივე მათგანი გირაოს სანაცვლოდ გაათავისუფლეს, თუმცა გამოძიება გრძელდება.