მართლმადიდებლები ყოვლადწმიდა ღვთისმშობლის შობას ზეიმობენ
საქართველოს სამოციქულო ავტოკეფალური მართლმადიდებელი ეკლესია ყოვლადწმიდა ღვთისმშობელ მარიამის შობას დღესასწაულობს.
რელიგიის საკითხთა სახელმწიფო სააგენტო ყოვლადწმიდა ღვთისმშობლის შობის დღესასწაულს ულოცავს საქართველოს სამოციქულო ავტოკეფალურ მართლმადიდებელ ეკლესიასა და მის მრევლს.
„უდიდეს ქრისტიანულ თორმეტ დღესასწაულთაგან სამი - ღვთისმშობლის შობა, ტაძრად მიყვანება და მიძინება უშუალოდ ღვთისმშობლისადმია მიძღვნილი. საქართველოს მართლმადიდებლებისთვის კი ღვთისმშობლობას განსაკუთრებული მნიშვნელობა აქვს, რადგან ითვლება, რომ ჩვენს ქვეყანას ყოვლადწმიდა მარიამ ღვთისმშობელი მფარველობს”, - ნათქვამია ინფორმაციაში.
