რუსეთმა უკრაინას ღამით „ისკანდერის“ ტიპის სამი ბალისტიკური რაკეტით და Shahed-ის, „გერბერისა“ და სხვა ტიპის 115 დრონით შეუტია, უკრაინელებმა 103 დრონი გაანეიტრალეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, დრონებით და რაკეტებით დარტყმა 6 ლოკაციაზე დაფიქსირდა, განადგურებული დრონების ნამსხვრევები კი 8 ადგილას ჩამოცვივდა.

რუსების მიერ უკრაინის წინაააღმდეგ ღამით გამოყენებული დრონებიდან 60 Shahed-ის ტიპის იყო. რუსებმა დრონები კურსკიდან, ორიოლიდან, მილეროვოდან, შატალოვოდან, პრიმორსკო-ახტარსკიდან და ასევე დროებით ოკუპირებული ყირიმიდან გაუშვეს.