პარლამენტთან აქტივისტი ისაკო დევიძე დააკავეს. ინფორმაციას სოციალურ ქსელში ავრცელებს "გირჩი - მეტი თავისუფლების" წევრი გელა ხასაია.

მის მიერ გავრცელებული ცნობებით, დევიძე დუშეთის იზოლატორში გადაჰყავთ და დაკავებულია ადმინისტრაციულიი - 166, 173 მუხლებით.

მისივე გავრცელებულ ვიდეოში ჩანს, როგორ ადებენ ხელბორკილს აქტივისტს, რა დროსაც პოლიციელი ამბობს, რომ ის დააკავეს პოლიციელის კანონიერი მოთხოვნის დაუმორჩილებლობისთვის, შემდეგ კი მას ავტომობილში სვამენ.