ყაველაშვილის ცირკში მონაწილე პარტიები ყოველ მეორე გამოსვლას ჯონჯოლივით რომ ამატებთ, თითქოს პოლიტპატიმრების გათავისუფლებისთვისაც იბრძვით, იქნებ ბოლოში მიამატოთ ხოლმე - „ჯაფარას გარდა“, თორემ მგონია, რომ სიტყვის მასალად მიყენებთ და ამით ცდილობთ გააკეთილშობილოთ საკუთარი საქციელი,- ამის შესახებ „კოალიცია ცვლილებისთვის“ ერთ-ერთი ლიდერი, პატიმრობაში მყოფი ზურაბ ჯაფარიძის „ფეისბუქ“ გვერდზე წერს.

ჯაფარიძე აღნიშნულ პარტიებს მიმართავს და წერს: „ერთი თქვენ იბრძვით მაგისთვის და მეორე „ქოცები“ ევროინტეგრაციისთვის“.

„ყაველაშვილის ცირკში მონაწილე პარტიები ყოველ მეორე გამოსვლას ჯონჯოლივით რომ ამატებთ, თითქოს პოლიტპატიმრების გათავისუფლებისთვისაც იბრძვით, იქნებ ბოლოში მიამატოთ ხოლმე - „ჯაფარას გარდა“, თორემ მგონია, რომ სიტყვის მასალად მიყენებთ და ამით ცდილობთ გააკეთილშობილოთ საკუთარი საქციელი.

ერთი თქვენ იბრძვით მაგისთვის და მეორე „ქოცები“ ევროინტეგრაციისთვის.

ჩემით ნუ მოიხოცავთ, მოკლედ“,- წერს ჯაფარიძე წერილში, რომელიც 17 სექტემბრით თარიღდება.